ABŞ Prezidenti Donald Tramp koronavirusla mübarizə üzrə koordinator Debora Birksin özünü pis hiss etməsi ilə bağlı sözlərindən sonra ondan aralanıb.

Axar.az Musavat.com-a istinadla xəbər verir ki, hadisə bu gün Ağ Evdə keçirilən mətbuat konfransında baş verib.

“Dünən məndə azacıq temperatur var idi”, - deyə xanım Birks deyib. Bundan sonra Donald Tramp qəfildən onun yanından zarafatla üzünü çevirərək kənara çəkilib.

“Bəlkə mədə-bağırsaq problemlərindən irəli gələ bilər. Lakin mən icraçıyam, həm də həkiməm. Artıq test də keçirdim və nəticə mənfi oldu”, - deyə Debora Birks qeyd edib.

Bundan sonra ABŞ Prezidenti hamının eşidəcəyi tərzdə dərin nəfəs alaraq yenidən ona yaxınlaşıb.

“Çox sağ olun ki, dediniz”, - deyə Ağ Ev sahibi gülümsəyərək ona söyləyib.

“Bz hamımız bir-birimizin qayğısına belə qalmalıyıq”, - deyə Debora Birks koronavirusdan dolayı hər kəsi fərdi məsuliyyət duyğusu daşımağa çağırıb.