"Gürcüstanın yaxın zamanlarda NATO-ya üzv olması ilə bağlı şansı yoxdur".

Axar.az xəbər verir ki, bu açıqlama ilə Gürcüstanın eks-spikeri Nino Burcanadze çıxış edib.

O, Gürcüstanın NATO-ya üzv olacağını deyən siyasətçilərin yalançı və təxribatçı olduğunu bildirib:

"2014-cü ildə Obama Gürcüstan və Ukraynanın NATO-ya üzv olmayacağını bildirdi. Onun fikrini NATO Baş katibi, ardınca isə Fransa Prezidenti Olland təsdiqlədi. Almaniya və Fransa NATO-da veto qoymaq haqqına sahib dövlətlərdir. Onların bəyanatları Gürcüstanın alyansa üzv olmayacağını göstərir. 30, ya da 50 ildən sonra nə olacağını heç kim bilmir. 2008-ci il avqust müharibəsindən sonra bölgədə situasiya dəyişdi. O vaxtdan bu yana heç bir ciddi siyasətçi yaxın günlərdə Gürcüstanın NATO-ya üzv olacağını demir".