Birləşmiş Ərəb Əmirliyinin vəliəhdi Məhəmməd bin Zayed Əl-Nəhyanın Əsəd rejimi ilə birgə Türkiyəyə qarşı cəbhə yaratmaq istədiyi ortaya çıxıb.

Axar.az xəbər verir ki, bu barədə Türkiyənin "Yeni Akit" nəşri məlumat yayıb.

Məlumata görə, BƏƏ Türkiyənin Orta Şərq siyasətinin maraqlarına ciddi mənada zərər verdiyini, Şimali və Mərkəzi Afrikada təsir imkanlarını təhdid etdiyini hesab edir. Buna görə də Suriya, Liviya, Qətər və Sudan mövzusunda Türkiyə ilə birbaşa qarşıdurma vəziyyətində olduğunu düşünür.

Əbu-Dabi rəhbərliyi Əsəd rejiminin tez zamanda Ərəb Dövlətləri Liqasına dönməsinə və ərəb dünyasındakı rolunu geri almasına ümid edir.

BƏƏ bu addımların reallaşması ilə Türkiyəyə qarşı bir cəbhə yaranmasını və bu cəbhədə Səudiyyə Ərəbistanı, Misir, Bəhreyn və Suriyanın yer almasını istəyir.