Yeni tip koronavirusla bağlı karantin rejiminin tətbiq olunması ilə boşalan şəhərlər vəhşi heyvanlara təslim olmağa başlayıb.

Axar.az xəbər verir ki, Çilidə yırtıcı quş olan kərkəslər evlərə hücum edib.

Sosial şəbəkələrdə paylaşılan fotoda iki kərkəsin evin eyvanına qonaraq içəridəki itlərə baxdığı görünür.

Ev sahibi kərkəslərin daha əvvəllər də eyvana qonduğunu bildirsə də, karantin rejimindən sonra bu kimi halların tez-tez yaşandığını deyib.

Qeyd edək ki, daha öncə Nyu York səmalarında da kərkəslər görünüb. Şəhərdə pandemiyadan ölənlər morqlarda yer olmadığı üçün soyuducu kimi istifadə edilən TIR-lara yerləşdirilib. Kərkəslərin də cəsəd qoxularına gəldiyi iddia edilib.