Türk Silahlı Qüvvələrində son 10 il müddətində intihar edənlərin sayı şəhid olan hərbçilərin sayını keçib.

Axar.az Türkiyə mətbuatına istinadən xəbər verir ki, 2012-ci ilin statistik göstəriciləri TSQ-da olan əsgər intiharlarının sayının şəhid olan hərbçilərin sayından 2.5 dəfə çox olduğunu göstərib.

Müdafiə naziri İsmət Yılmazın Türkiyə Böyük Millət Məclisinə verdiyi hesabata görə, 2002-2012-ci illər arası TSQ-da 983 türk əsgəri intihar edib. 2012-ci ildən 2015-ci ilə qədər isə 158 hərbçinin intihar hadisəsi qeydə alınıb. Beləliklə, son 13 ildə intihar edənlərin sayı 1141 nəfərə çatıb.

Qeyd edək ki, son 10 ildə Türkiyə Silahlı Qüvvələri terrorla mübarizə zamanı və digər hərbi əməliyyatlarda 818 nəfər şəhid verib.