Almaniyanın Frankfurt şəhərində Avropa Mərkəzi Bankının yeni binasının açılması şəhəri bir-birinə qatıb.

Axar.az xəbər verir ki, binanın açılışına etiraz edən kütlə ilə polis arasında qarşıdurma yaşanıb. Nümayişlərdə bir neçə saat ərzində 350 nəfər saxlanılıb.

Polis kütləni dağıtmaq üçün gözyaşardıcı qazdan və təzyiqli sudan istifadə edib.

Kütlənin etirazına səbəb isə ölkənin iqtisadi problemlər yaşadığı bir dövrdə Avropa Mərkəzi Bankının yeni binasına 1,3 milyard dolların xərclənməsi olub.

Qeyd edək ki, Avropanın bir çox bölgəsində hökumətlərin kəmər sıxma proqramına görə insanlar küçələrə axışır.