"Yəməndə bir-biriylə mübarizə aparan tərəflər Rusiyadan konfliktin həlli üçün kömək istəyiblər".

Axar.az xəbər verir ki, bu açıqlama ilə Rusiya Prezidentinin Yaxın Şərq və Afrika ölkələri üzrə xüsusi nümayəndəsi Mixail Boqdanov çıxış edib.

Onun sözlərinə görə Rusiyanın Yəmən hökuməti, husilər, İran və ərəb ölkələri ilə olan kontaktları Qərb ölkələri tərəfindən dəstəklənir:

"Moskva Yəməndəki hərbi əməliyyatların bitməsi tərəfdarı kimi çıxış edir. Ölkədə konfliktin eskalasiya Yəmənin Liviya və Suriyadakı kimi parçalanma ilə nəticələnəcək. Rusiya digər dövlətlərin Yəmənin daxili işlərinə qarışmağını pisləyir və tərəfləri danışıqlar masası ətrafında oturmağa səsləyir".