PKK tərəfdarlarının nümayişləri terrorla mübarizədə göstərilən qeyri-səmimiliyin yeni təzahürüdür.

Axar.az xəbər verir ki, bu barədə Türkiyə Xarici İşlər Nazirliyi məlumat yayıb. Bildirilir ki, Türkiyə terror təşkilatlarına qarşı uğurlu əməliyyatlar aparır:

“Ancaq Avstriyanın paytaxtı Vyanada keçirilən nümayişlər vasitəsilə PKK-nın təbliğatına icazə verilməsi, terror təşkilatının simvollarının istifadəsinə göz yumulması və ölkəmizin hədəf alınması yolverilməzdir. PKK-ya dəstək üçün göstərilən bu kimi səylər faydasızdır”.

Açıqlamada Avstriyada təhlükəsizlik qüvvələrinin Türkiyə vətəndaşlarına qarşı göstərdiyi şiddətə görə də Ankaranın narahat olduğu bildirilib:

“Narahatlığımızı dilə gətirmək üçün Avstriyanın Türkiyədəki səfiri Xarici İşlər Nazirliyinə dəvət ediləcək”.

Qeyd edək ki, Vyanada PKK tərəfdarlarının Türkiyənin ünvanına səsləndirdiyi təqhirlərə görə qarşıdurma yaşanıb. Avstriya polisi isə hadisədə 20-yə yaxın türkü təqsirli bilərək, onlara müxtəlif inzibati cəzalar tətbiq edib.