Rusiyalı hərbi müxbir Semyon Peqov Minskdə saxlanılıb.

Axar.az xəbər verir ki, o, saxlanılan zaman OMON-çular tərəfindən döyülüb.

Peqovun iğtişaşları təhrik etməkdə ittiham edildiyi üçün saxlanıldığı vurğulanıb.

Peqovla bərabər 9 avqustda Rusiyanın daha üç jurnalisti Belarus hüquq-mühafizə orqanları tərəfindən saxlanılıb. Onların 20 saat saxlanıldıqdan sonra azadlığa buraxıldığı bildirilib.

Rusiya səfirliyi Peqovun 25 kvadrat metrlik kamerada saxlanıldığını və ona içməli su, eləcə də qida verilmədiyini açıqlayıb.

Azadlığa çıxan Peqovun bu gün Moskvaya yola salınacağı bildirilib.

Qeyd edək ki, Semyon Peqov Tovuz təxribatı zamanı Azərbaycan əleyhinə provokativ videoreportajlar hazırlayaraq, müxtəlif dezinformasiyalar yayırdı.