Rusiyada koronavirusa qarşı kütləvi vaksinasiya lazımi miqdarda peyvənd istehsal edildikdən, yəni təxminən bir aydan sonra başlayacaq.

Axar.az xəbər verir ki, bu barədə Qamaley Mərkəzinin direktoru Aleksandr Ginzburq məlumat verib.

"Kütləvi vaksinasiyanı 7-10 günə başlamağı nəzərdə tutsaq da, bir az gecikmə baş verəcək. Gecikmənin səbəbi istehsal edilmiş peyvəndin qeydiyyat sonrası araşdırmalarda istifadə ediləcəyidir. Bundan sonra yerdə qalan məhsullar mülki dövriyyəyə buraxılacaq. 2-3 həftə, bəlkə də bir ay müddətində gecikmə müşahidə olunacaq", - Ginzburq bildirib.

Qeyd edək ki, bir müddət öncə Rusiya dünyada ilk dəfə "Sрutnik V" adlı koronavirusa qarşı peyvəndi qeydiyyatdan keçirdib.