Ana səhifə Planet |
Serbiyanın Müdafiə naziri Aleksandr Vulin ölkə hərbçilərinin Belarusun paytaxtı Minsk şəhərində göründüyü ilə bağlı fotoları fotomontaj adlandırıb.
Axar.az Musavat.com-a istinadən xəbər verir ki, bununla bağlı informasiya nazirliyin mətbuat xidməti tərəfindən yayılıb.
“Hazırda bizim 9 hərbi qulluqçumuz Belarusda, Brestdə qalır və onlar hərbi poliqonda “Snayper hüdudu” adlanan yarışa hazırlaşırlar. Bizim hərbçilər Minskə bu ilin avqust ayının 10-da çarter reysi ilə gəliblər. Onlar elə hava limanından birbaşa poliqona yola düşüblər”, - deyə, nazir bildirib.
Aleksandr Vulin serb əsgərlərinin Minsk küçələrində zirehsiz “Hammer” avtomobilində görüntülünməsini isə yalan adlandırıb. Onun sözlərinə görə, Serbiya ordusunda zirehsiz maşın yoxdur və ümumiyyətlə, dünyada öz ölkəsinin forma və nişanını daşıyan muzdlu mövcud deyil.
Aleksandr Vulun həmin fotoların bir neçə il bundan qabaq NATO-nun “Sülh naminə tərəfdaşlıq” proqramı çərçivəsində Hoenfels poliqonunda hərbi təlimlər zamanı çəkildiyini iddia edib.
Brestdəki şəkillərə gəlincə, nazir fotodakı şəxsin Serbiya snayper yığmasının komandiri Milentiy Ristiçə aid olduğunu etiraf edib. O, serb zabitinin Belarus ordusunun polkovnik-leytenantı Ştukla birlikdə meyvə və şirə almaq üçün gəzdiyini söyləyib.
Tarix
2020.08.16 / 18:34
|
Müəllif
Axar.az
|