Türkiyə Prezidenti Rəcəb Tayyib Ərdoğan mayın 9-da faşizm üzərində qələbənin 70 illiyi ilə bağlı Moskvada keçiriləcək paradda iştirak edə bilər.

Axar.az xəbər verir ki, bu barədə Moskvada səfərdə olan Türkiyə Böyük Millət Məclisinin (TBMM) sədri Cəmil Çiçək açıqlama verib. Çiçək Rusiyadan dəvət aldıqlarını bildirib:

"Paradla bağlı Rusiyadan dəvət almışıq. Prezidentimiz dəvətə müsbət cavab verməyə çalışacaq".

Qeyd edək ki, Rusiya Xarici İşlər naziri Sergey Lavrov daha əvvəl açıqlamasında 30 ölkədən müsbət cavab aldıqlarını bildirmişdi. 9 Mayda Çin, Şimali Koreya, Vyetnam, Hindistan, Monqolustan, CAR, Kuba, Serbiya, Çernoqoriya, Çexiya, Makedoniya, Slovakiya, Yunanıstan və Kipr liderlərinin Moskvaya gələcəyi artıq bəllidir.