Ümid edirəm ki, Rusiya Belarusda hüquq-mühafizə orqanlarından ibarət rezervdən istifadə etməyəcək.

Axar.az xəbər verir ki, bunu Almaniya kansleri Angela Merkel deyib.

“ümid edirəm ki, işlər bu qüvvənin istifadəsinə gəlib çıxmayacaq. İnsanlar küçələrə çıxıblar ki, öz haqlarını azad ifadə edə bilsinlər. Qərb Rusiya ilə münasibətlərini qorumalıdır. Hazırkı siyasəti dəyişməyə ehtiyac yoxdur”, – deyə o bildirib.

Qeyd edək ki, Putin ötən gün mediaya açıqlamasında Lukaşenkonun xahişi ilə hüquq-mühafizə orqanı əməkdaşlarından ibarət müəyyən ehtiyat topladığını, lakin vəziyyət nəzarətdən çıxmayana qədər bundan istifadə edilməyəcəyi barədə razılaşdıqlarını bildirmişdi.

Rusiyanın 1500 nəfərdən ibarət sözügedən qrupunun Belarusda olduğu da bildirilir.