Çinin Cənubi Çin dənizindəki mübahisəli ərazi olan Spratli adalarında təyyarələrin enişi üçün mərkəzlər inşa etməsi barədə iddialar öz təsdiqini tapıb.

Axar.az xəbər verir ki, bu barədə adanın peykdən çəkilmiş şəkilləri yayılıb.

Vyetnam və Filippin başda olmaqla bir çox Asiya ölkəsi isə Çinin bu addımına sərt reaksiya verib.

Çinin adada mərkəzlər inşa etməklə qoşun və hərbi-sursat göndərəcəyi iddia olunur.

Qeyd edək ki, bir müddət öncə ABŞ Mərkəzi Kəşfiyyat İdarəsinin (MKİ) direktoru Ceyms Klapper Çinin Cənubi Çin dənizində gəmilər və təyyarələr üçün mərkəzlər inşa etməsi barədə Senata xəbərdarlıq etmişdi.