ABŞ Prezidenti Donald Tramp daha 12 il prezident olması ilə bağlı zarafat edərək, medianı məxsərəyə qoyub.

Axar.az xəbər verir ki, bu barədə "Qardian" məlumat yayıb.

Donald Tramp mətbuata açıqlamasında yarızarafat, "10 il sonra da prezident olacağam? Bəlkə daha iki il əlavə edək. Budur sizun üçün son dəqiqə xəbəri...”, - deyərək medianın hər zarafatından ciddi xəbər yaratmağa hazır olduğunu bildirib.

Tramp müxalif mətbuatda yayımlanacaq başlıqları da təqlid edib: “Sizə onun diktator olduğunu demişdim, vəzifəni heç vaxt, heç bir şərtlə buraxmayacaq".

ABŞ Prezidenti çıxışlarının bəzi hissələrinin kəsilərək mediada mənasının dəyişdirilməsindən də şikayət edib:

“Ağlınızda olsun, zarafat edə bilməzsiniz. Kəsiləcək. Bir neçə dəfə oldu. Zarafat edirsiniz, amma bunu ciddi bir üz ifadəsi ilə edirsiniz, sonra da gülməyə başlayırsınız və gülmək hissəsini kəsirlər. Sonra da “Budur baxın, ciddi-ciddi 12 il daha prezident olmaq istəyir", - deyirlər”.