"Rusiya jurnalistləri ilk növbədə çalışdılar ki, Ukrayna müharibəsini olduğu kimi göstərsinlər".

Axar.az xəbər verir ki, bu sözləri "Los Anceles Tayms"ın rusiyalı müxbiri Sergey Loyko bildirib.

Loyko Ukrayna hadisələrini obyektiv şəkildə işıqlandırmağa çalışdıqlarını bildirib:

"Mən bütün ili Ukraynada keçirdim. Hər iki tərəfdə oldum. Mənim fikrim budur ki, heç kim nə krımlıları, nə də Donetsk əhalisini hədələmirdi. Onunla fəxr edirəm ki, rusam və ABŞ-ın nüfuzlu mükafatını Ukrayna məqalələrinə görə aldım. Çalışırdım ki, müharibə haqqında həqiqəti üzə çıxarım. Rusiyanın 86 faizi məni yalançı və düşmən hesab edə bilər, ancaq sonra onlar özləri də hər şeyi anlayacaqlar".

Qeyd edək ki, Sergey Loyko Ukrayna müharibəsi ilə bağlı yazdığı məqalələrə görə, ABŞ-ın media sahəsindəki nüfuzlu mükafatlarından birinə layiq görülmüşdü.