Ana səhifə Planet |
İstanbulda baş verə biləcək 7,5 bal gücündə zəlzələ üçün böyük bir hazırlıq görülüb.
Axar.az xəbər verir ki, bu barədə Türkiyə Daxili İşlər Nazirliyi, AFAD və Jandarma Komandanlığı plan hazırlayıb.
16 milyonluq meqa şəhər üçün bütün planlar ehtimal olunan 7,5 gücündə zəlzələyə görə hazırlanıb.
Plana əsasən, evakuasiya gəmiləri insanları şəhərdən çıxarmaq üçün İstanbul sahillərində gözləyəcək. Hava, quru və dəmir yollarından da istifadə ediləcək. Ümumilikdə İstanbulda 23 təxliyə sahəsi hazırlanıb.
Dənizdən evakuasiya üçün 6 nöqtə müəyyənləşdirilib. Vətəndaşlar nəqliyyat vasitələri ilə bu yerlərə daşınacaq, daha sonra gəmilərlə İstanbuldan çıxarılacaqlar. Dəmir yolları ilə isə 3 nöqtədən vətəndaşlar təxliyə ediləcək. Həmçinin, İstanbul, Atatürk və Sabiha Gökçən hava limanları da təxliyə planında istifadə olunacaq.
Bundan əlavə, qurudan avtomobillərin İstanbulu tərk etməsi üçün təcili çıxış terminalları da hazır vəziyyətdə olacaq.
Tarix
2021.04.27 / 09:07
|
Müəllif
Pərviz Həsənov
|