İtaliyanın ən məşhur məhsullarından olan kakaolu fındıq kremi Nutellanın qlobal istiləşməyə yol açdığını söyləyərək italyanların qəzəbinə tuş gələn Fransa Ekologiya naziri Seqolen Royal üzr istəyib.

Axar.az xarici mətbuata istinadən xəbər verir ki, Seqolen Royal televiziya proqramlarından birinə müsahibə verərkən Nutellanın hazırlanmasında istifadə olunan palma yağının istehsalı üçün meşələrin yox edildiyini və "Nutella yeməyi tərgitməliyik" deyərək, Nutellanı istehsal edən Ferrero şirkətini alternativlərdən istifadə etməyə çağırmışdı.

İtaliyadan bu sözlərə sərt reaksiya gələndən sonra nazir rəsmi Tvitter hesabında mesaj yayımlayıb və polemika üçün minlərcə dəfə üzr istədiyini bildirib.