Rusiyanın "Şimal axını 2" qaz kəməri layihəsinə qarşı çıxan ABŞ Prezidenti Co Baydenin barışıq tonuna keçdiyi görünür. Ancaq əslində Donald Trampın varisi yalnız "vint"ləri sıxmaqdadır.

Axar.az xəbər verir ki, bu barədə Almaniyanın "Di Velt" (Die Welt) nəşri qeyd edib.

"Bayden İsveçrədə qeydiyyatdan keçmiş "Şimal axını 2" operatoruna qarşı sanksiya tətbiq etməkdən imtina etdi. Həm də Vladimir Putinin alman dostu və bu şirkətin icraçı direktoru Mattias Varniq cəzadan xilas oldu. Və bu xəbər yalnız Vaşinqtonu həyəcanlandırdı", - nəşr vurğulayıb.

Qeyd olunub ki, daha öncə layihə əleyhinə çıxan Bayden Konqresdəki hesabatında daha sakit görünürdü.

Həmçinin, bildirilib ki, "Şimal axını 2"-yə sanksiyalar Amerika qanunlarında heç vaxt qeyd olunmayıb.