Türkiyənin "Bakır kralı" olaraq tanınan iş adamı Cüneyd Əli Turqutun atasını pul qarşılığında oğurlayıblar.

Axar.az bu barədə "Sözcü" qəzetinə istinadən xəbər verir.

Saat nəhəngi olaraq tanınan "Dost saat"ın qurucusu Məhməd Turqut Türkiyə Prezidenti Rəcəb Tayyib Ərdoğana yaxınlığı ilə də seçilir.

2001-ci ildən mis emalı işində qərar tutan iş adamı sonradan Qeysəridə "Meqa metal"ın sahibinə çevrilərək 5 dəfə ən böyük ixracatçılar sırasına daxil olub. Ən yüksək beynəlxalq keyfiyyət mükafatına layiq görülən biznesmen eyni zamanda, məşhur brendlərin təmsilçisi kimi də tanınır.

Qeyd edək ki, Məhməd Turqut iyunun 26-dan etibarən yoxa çıxıb. Polis indiyə qədər onun yerini təyin edə bilməyib.