Rusiyalı alim, geologiya-mineralogiya elmləri doktoru Vladimir Sıvorotkin son vaxtlar baş verən anomal hava şəraitinin səbəbini araşdırıb. Bu barədə "Deyta" informasiya agentliyi məlumat verib.

AZƏRTAC ecoportal.ru saytına istinadla xəbər verir ki, mütəxəssis anomal hava şəraitinin Yerin təkindəki proseslər nəticəsində baş verdiyini bildirib. Onun fikrincə, bu proseslərin əsasında insan fəaliyyəti deyil, ilk növbədə Yerin nüvəsində gedən dövri proseslər durur.

Alim qeyd edib ki, hazırda üç böyük ozon dəliyi var. Onlar Yaponiya, Cənub-Qərbi Sibir və Qara dəniz sahilləri üzərində yerləşir. Məhz buna görə həmin bölgələrdə son vaxtlar güclü istilər olur.

Ekspertin sözlərinə görə, Rusiyanın mərkəzi hissəsi və Moskva iki anomal zonanın qovşağında yerləşir. Bu da qasırğa və şimşək kimi hava kataklizmlərinə, anomal temperatura səbəb olur.