ABŞ və Rusiya kibertəhlükəsizliklə bağlı qapalı formatda danışıqlar aparır, Amerika tərəfində danışıqlara ABŞ Prezidentinin milli təhlükəsizlik üzrə köməkçisinin müavini Ann Nyuberger sədrlik edir.

Axar.az xəbər verir ki, bu barədə “Nyu York Tayms” məlumat yayıb.

Nəşr qeyd edir ki, iyun ayında Cenevrədə keçirilən Rusiya-Amerika sammitindən sonra hər iki tərəf müxtəlif mövzularda görüş keçiriblər.

Mənbələr Moskva ilə Vaşinqton arasında strateji sabitliyə dair danışıqların son illərin ən "dərin danışıqları” olduğuna diqqət çəkib. Eyni zamanda, qəzetin mənbələrinə görə, ABŞ-ın milli təhlükəsizlik üzrə köməkçisinin müavini rusiyalı həmkarı ilə bir sıra gizli virtual görüşlər keçirib.

İddia edilir ki, ABŞ Rusiya nümayəndələrinə Amerikaya hücumlar təşkil edən bir neçə hakerin adını və məlumatlarını verib.