Gürcüstan parlamentinin Lelo – Gürcüstan üçün Əməkdaşlıq Fraksiyası parlamentin işini boykot etmək niyyətindədir.

Axar.az xəbər verir ki, boykotun dövlətin Mixail Saakaşviliyə adekvat münasibət göstərməyəcəyi və onu mülki klinikaya köçürməyəcəyi ana qədər davam edəcəyi vurğulanıb.

Partiyanın hökumətdən digər tələbinin növbədənkənar parlament seçkisi keçirmək olduğu bildirilib.

“Tarixdə üçüncü prezidentin hansı ittihamla həbs edildiyi heç kimin yadında qalmayacaq, amma çox mürəkkəb siyasi tariximizdə Saakaşvilinin səhhətinin daha da pisləşməsi və onun həyatı üçün təhlükə qara səhifə olaraq qalacaq”, - fraksiyanın üzvü Salome Samadaşvili deyib.

Samadaşvilinin sözlərinə görə, fraksiya boykotla hökumətə ölkənin ən ağır böhranda olduğunu göstərir və müvafiq reaksiya tələb edir.

Qeyd edək ki, bir müddət əvvəl Mixail Saakaşvilinin Vahid Milli Hərəkat Partiyası müxalifəti parlamenti tərk etməyə çağırmışdı.