Mənə verilən məlumata görə, partiyamızın bağladılması barədə hazırlıq işləri aparılır.

Axar.az xəbər verir ki, bu barədə jurnalistlərə açıqlamasında Xalqların Demokratik Partiyasının (HDP) lideri Səlahəddin Dəmirdaş deyib. O, partiyanın bağlanmasının ilin sonuna planlaşdırıldığını bildirib:

"Mənə verilən məlumata görə, prezidentin baş müşaviri Burhan Quzunun ofisində partiyamızın bağladılması barədə işlər aparılır. Məsələ ilə bağlı sənədləri hazırlayıb, bu ilin sonuna qədər HDP-ni bağlamağı düşünürlər. Məqsəd partiyamızın böyüməsinin qarşısını almaq və xəzinədən ayrılması nəzərdə tutulan pulu verməməkdir".

Qeyd edək ki, HDP 7 iyun parlament seçkisində 10 faizlik (13 faiz səslə) baryeri aşaraq parlamentə girməyi bacarıb. Ölkə qanunvericiliyinə görə, parlamentdəki partiyalar topladıqları səsə uyğun olaraq, büdcədən maliyyə yardımı alırlar. HDP-yə 2016-cı ilin yanvarından etibarən 27 milyon lirə (9,7 milyon dollar) maliyyə yardımı edilməlidir.