20:31

Hazırda ABŞ Prezidenti Co Baydenlə Rusiya Prezidenti Vladimir Putin arasında telefon danışığı gedir.

Axar.az xəbər verir ki, bu barədə CNN məlumat yayıb.

Tərəflərin Rusiya-Ukrayna gərginliyini, Ukrayna ətrafında vəziyyəti müzakirə etdikləri bildirilib.

***

ABŞ Prezidenti Co Baydenlə rusiyalı həmkarı Vladimir Putin arasında telefon danışığı yekunlaşıb.

Bu barədə Ağ Ev məlumat yayıb.

Telefon danışığının 1 saata yaxın davam etdiyi bildirilib.

***

Rusiya və ABŞ prezidentləri Vladimir Putinlə Cozef Bayden arasında danışıqların təfərrüatı açıqlanıb.

Bu barədə Ağ Ev məlumat yayıb.

Məlumata görə, liderlər Ukrayna ilə sərhəddə hərbçilərin toplanmasını müzakirə edib.

Bayden bildirib ki, ABŞ Rusiya ilə həm qarşılıqlı diplomatik fəaliyyətə, həm də digər ssenarilərə hazırdır.

Bayden xəbərdarlıq edib ki, ABŞ Rusiyanın qeyri-adekvat addımlarına qəti şəkildə cavab verəcək.