Qərb ilə nüvə müzakirələri zamanı Rokefeller Fondunun İrana maliyyə yardımı etdiyi ortaya çıxıb.

Axar.az xəbər verir ki, aparılan araşdırmalar zamanı 2003-cü ildən bəri Rokfeller Fondundan Tehran banklarına milyardlarla dollar vəsait köçürüldüyü məlum olub.

Bu il iyulun 2-də "Blomberq"də yayımlanan "Rokfeller bankları İran müqaviləsinin yolunu necə açdı" başlıqlı məqalədə bankların 11 Sentyabr hücumlarından sonra İran haqda fikrinin necə dəyişdiyindən bəhs edir. Xəbərdə Rokefeller Fondunun 2002-ci ildə İranın BMT nümayəndəsi, indi isə Xarici İşlər naziri olan Cavad Zərifi ilə danışıqlar apardığı, bankların İran-Qərb nüvə müzakirələri üçün ilkin olaraq 4,3 milyon dollar xərclədiyi bildirilir.

Mütəxəssislərin fikrincə, illərlə Tehran rejiminə edilən yardımların əsas səbəbi regional siyasətdə üstünlüyü ələ almaqdır.

Xüsusi olaraq vurğulanır ki, İran-Türkiyə münasibətlərinin kəskinləşməsi Yaxın Şərqdə "parçala və hökm sür" siyasəti kimi də qəbul edilə bilər.

İranın Türkiyəyə qarşı sərgilədiyi soyuq münasibətin ən əsas səbəblərindən biri də Suriya böhranıdır. Mütəxəssislərin fikrincə, İran Türkiyənin Əsədə qarşı sərt münasibətinə görə PKK kartından istifadə edir.

Maraqlıdır ki, Tehranın həm Yaxın Şərqdə, həm də Türkiyəyə bağlı siyasəti Qərb tərəfindən sükutla qarşılanır.