Rusiyanın hücumundan qorunmaq üçün 1950-ci illərdə Şimal qütbündə qurulan raket əleyhinə müdafiə sistemlərini modernizasiya etməliyik.

Axar.az xəbər verir ki, bu sözləri ABŞ Müdafiə naziri Eşton Karter deyib. O, tez bir zamanda tədbir görülməsinə ehtiyac olduğunu bildirib:

"Rusiya uzun mənzilli ballistik nüvə raketlərinə sahibdir. ABŞ-a istiqamətləndiriləcək ballistik raketlər Şimal qütbündən keçməklə hədəfinə çata bilər. Təhlükənin tez bir zamanda müəyyən olunması üçün buradakı raket əleyhinə müdafiə sistemlərimizi modernizasiya etməliyik".

Müdafiə naziri həmçinin potensial raket hücumunun Çin və ya Şimali Koreya tərəfindən də edilə biləcəyini bildirib.