Çin II Dünya Savaşında Yaponiyaya qarşı əldə edilən zəfərin 70 illiyini bayram edir.

Axar.az xəbər verir ki, Rusiya lideri Vladimir Putinin də iştirak etdiyi mərasim paytaxt Pekindəki Tiananmen Meydanında baş tutub.

Tədbir 2400 nəfərlik hərbi xorun musiqisi ilə başlayıb. Daha sonra Çin lideri Xi Jinpinq çıxış edib. O, dünyada sülhün təmin edilməsinin vacib olduğunu bildirərək ölkədə hərbçi sayının 850 mindən 300 minə endiriləcəyini açıqlayıb.

Mərasimdə Çin tarixində ilk dəfə olaraq hərbi vasitələrin 80 faizi xalq qarşısına çıxarılıb.

Parad zamanı ölkənin 12 minlik əsgər heyəti ilə bərabər 15 ölkədən gəlmiş xarici hərbçilər də iştirak edib. Mərasim 2015 ədəd göyərçin və 50 min hava şarının səmaya buraxılması ilə başa çatıb.