Fransanın paytaxtına ölkənin müxtəlif kəndlərindən 1,5 mindən çox traktor üz tutub.

Axar.az TASS-a istinadən xəbər verir ki, paytaxta doğru gedən traktorlar yollarda nəqliyyat vasitələrinin hərəkətinə maneçilik törədir, şəhərdə qarışıqlıq yaradır. Aqrosənaye mütəxəssisləri öz traktorları ilə şəhərin şərq hissəsində yerləşən "Millət Meydanı"na getmək və orda planlaşdırdıqları mitinqi reallaşdırmaq niyyətindədir.

Fransız fermerlər hakimiyyətin kənd təsərrüfatında mövcud olan böhranın qarşısını ala bilməməsinə etiraz edir. Fermerlər tələb edir ki, hökumət vergiləri və sosial təminat ayırmalarını azaltsın, bəzi normaları aradan qaldırsın və fermerlərə məhsullarını nisbətən baha qiymətə satmaq icazəsi versin.