Suriya Prezidenti Bəşər Əsəd Moskvaya səfəri zamanı sakit idi.

Axar.az xəbər verir ki, bu barədə Feysbuk səhifəsində Rusiya Baş naziri Dmitri Medvedyev yazıb.

"Bir neçə il keçməsinə baxmayaraq, bildirmək istəyirəm ki, Əsəd Moskvaya son səfəri zamanı sakit idi. Beş il öncə olduğu kimi. Mən 2010-cu ildə Dəməşqə səfər edən zaman Əsədlə görüşmüşdüm. Həmin vaxt Suriya tamamilə sakit və stabil ölkə idi. Lakin 2011-ci ildən sonra Suriya xalqının həyatı kabusa döndü. Müharibə, terror, ölüm Suriyanı bürüdü, dini və tarixi abidələr məhv edildi. Rusiyanın Suriya məsələsində mövqeyi dəyişməyib. Biz Suriyada legitim hakimiyyəti dəstəkləyirik. Suriya bu gün dünyanın başlıca problemlərindən biridir. Biz Suriya rəhbərliyinin yardım tələbi ilə əməliyyatlar aparırıq. Lakin ölkənin taleyi həmişə Suriya xalqından asılı olacaq. Biz Suriya xalqının öz suverenliyini qorumasına kömək edəcəyik. Və inanıram ki, bu qədim torpaqlarda sülh bərpa olunacaq", - Medvedyev Feysbukda yazıb.

Qeyd edək ki, Əsəd oktyabrın 20-də Moskvaya səfər edib.