1 noyabr seçkilərində böyük səs itirən Milliyətçi Hərəkat Partiyasının (MHP) lideri Dövlət Baxçalı nəhayət ki, yayılan xəbərlərə münasibət bildirib.

Axar.az xəbər verir ki, Baxçalı şəxsi Tvitter səhifəsində yayılan xəbərləri böhtan adlandırıb:

"MHP ilə bağlı yazılanları, deyilənləri heyrət və təbəssümlə izləyirəm. 1 noyabrda parlamentə seçki keçirildi. Dəqiq olmayan nəticələr elan olundu. Və böyük müzakirələr başlandı. Əlbəttə, bu, olduqca təbiidir. Hər kəs fikrinə, ideologiyasına, düşüncəsinə uyğun fikirlər yürütməyə başladı. Amma bu müzakirələrdə Türkiyənin adı belə keçmədi. Xroniki MHP rəqibləri dərhal başını qaldırır. Bunları araşdırsaq, hamısı türk düşməni çıxar. Harama göz yumsaydım, xəyanətə göz qırpsaydım, baş tacı olardım. Ya da "türkçülüyü yox edin, Türkiyəni parçalayın", - desəydim, əl üstündə tutulardım.

Türk millətinin yoluna baş qoydum, geri addım atmaram. Divarlar çıxsa da qarşıma, aşaram. Qarşımda xəndəklər qazılsa da, keçərəm".