Bir neçə həftə əvvəl İran İslam İnqilabı Keşikçiləri Korpusunun hakerləri ABŞ Prezidenti Administrasiyasının əməkdaşlarının sosial şəbəkələrdəki akkauntlarını və elektron poçtlarını ələ keçirib.

Axar.az xəbər verir ki, bu barədə informasiyanı "Vol Strit Jurnal" qəzeti yayıb. Qəzet İranın kiberhücumlarının artmasına biznesmen Siamaka Namazinin tutulmasının səbəb olduğunu bildirib:

"Namazi oktyabr ayında İranda həbs edilib. O, Vaşinqtonla Tehran arasındakı iqtisadi və siyasi münasibətləri gücləndirmək niyyətində idi. Administrasiya əməkdaşlarından başqa bir sıra jurnalist və alimlərin də kompüterlərinə haker hücumları olub".