13:34

Naməlum şəxslər Malinin paytaxtı Bamakoda xarici vətəndaşların və Qərb rəsmilərinin qaldığı "Radisson" otelinə hücum edib.

Axar.az xəbər verir ki, silahlı şəxslərin 3 nəfəri öldürdüyü, 170 nəfəri isə girov götürdüyü bildirilir.

Təhlükəsizlik orqanları hazırda otelin binasını mühasirəyə alıb.

Araşdırma zamanı terrorçuların otelə diplomatik nümayəndəliklərə məxsus avtomobil nömrələri ilə daxil olduğu üzə çıxıb.

Almaniyanın RTL kanalı Malidəki Fransa ordusunun hadisə bölgəsinə göndərildiyi barədə məlumat yayıb.

***

"Röyter" agentliyinin verdiyi məlumata görə, girov götürülənlər arasında Türkiyə Hava Yollarının 6 əməkdaşı da var.

***

"Assoşeyted Press" agentliyi xüsusi təyinatlıların terrorçulara qarşı əməliyyat təşkil etdiyi barədə məlumat yayıb. Məlumata görə, əməliyyat zamanı 50 nəfər azad edilib.

Azad olunanlardan 5-i Türkiyə Hava Yollarının əməkdaşıdır.

***

Son məlumatlara görə, buraxılan girovların sayı 80-ə çatıb. Bu dəqiqələrdə ABŞ və Fransa hərbçiləri terrorçulara qarşı əməliyyat aparır.

***

CNN-in yaydığı məlumata görə, ABŞ xüsusi təyinatlılarının Malidə apardığı əməliyyat nəticəsində 6 ABŞ vətəndaşı xilas edilib.

***

"Skay Nyus"un verdiyi məlumata görə, "Radisson" otelindəki bütün girovlar xilas edilib.

Bu haqda ilkin məlumatı Malinin Təhlükəsizlik Nazirliyi yayıb. Məlumatda sözügedən oteldə artıq girov qalmadığı deyilir.