Türkiyə İŞİD-ə qarşı mübarizə aparmır.

Axar.az xəbər verir ki, bu sözləri Çeçenistan Prezidenti Ramzan Kadırov öz rəsmi İnstaqram hesabında yazıb. Kadırov Türkiyəni ittiham edib:

"Türkiyə KİV-i son zamanlar Türkiyənin Çeçen Respublikasına və xalqına daim yardım etdiyini yazır. Onlar bununla məni islama və haqlı insanlara qarşı qoyub günahlandırmaq istəyir. Mən dəqiqliyi sevirəm, buna görə də sizdən soruşuram: nə vaxt, harda və nə ilə Türkiyə mənim xalqıma yardım edib? Bir nümunə göstərin və sübut edin ki, Türkiyə çeçen xalqına yardım əli uzadıb. Bəli, siz vahhabilərə, terrorçulara kömək etmisiz. Bundan sonra onlar maliyyələşib çeçen xalqını qırıb. Budur sizin köməyiniz? Türkiyə Suriyada Rusiyaya məxsus Su-24 təyyarəsini ABŞ-ın göstərişi ilə vurub".