İngiltərənin nüfuzlu "Tayms" qəzeti Rusiyanın Suriyada yeni hava bazası inşa etdiyini yazıb.

Axar.az xəbər verir ki, nəşrin məlumatına görə, artıq Xüms şəhəri yaxınlığında inşa olunan Şayrat bazasına hərbi personal və avadanlıq göndərilib:

"Şayrat onsuz da Rusiyanın hücum helikopterlərinin endiyi yer idi. Ancaq təxminən bir ay əvvəl bazaya gələn Rusiya hərbçiləri daha geniş əhatəli hazırlıqlara başlayıb. Hazırda bazada 50-60 rusiyalı hərbçi var. Bəzi əsgərlər isə Xümsdə qalır. Bazada 10-15 döyüş təyyarəsi saxlanılır".

BBC-nin xəbərinə görə, yaradılan yeni baza ilə Rusiyanın Suriyadakı təyyarə sayı iki dəfə artırılacaq. Bu səbəbdən daha min rusiyalı hərbçinin Suriyaya göndərilməsi planlaşdırılır:

"Palmira Latakiyadan qalxan helikopterlər üçün çox uzaqdır. Buna görə də bəzi helikopterlər Şayrat bazasına göndərilib. Xümsdə möhkəmlənən Rusiya qüvvələri bölgədə tam nəzarəti ələ ala bilər".