Ukrayna hərbçilərinin artıq mənimsədiyi “Abrams” tankları əks-hücuma qədər hazır olmayacaq, lakin rusları işğal etdikləri ərazilərdən tamamilə çıxarmaq baxımından uzunmüddətli perspektivdə onlar həlledici olacaq.

Axar.az xəbər verir ki, bunu ABŞ-ın Birləşmiş Qərargah Rəisləri Komitəsinin sədri, general Mark Milli deyib.

O bildirib ki, F-16 qırıcıları gələcək hücumların qarşısını alacaq uzunmüddətli planın bir hissəsidir:

“II Dünya müharibəsinə baxa bilərsiniz və tarixin ən böyük tank döyüşlərindən bəziləri əslində Ukrayna torpağında aparılıb. Ona görə də tanklar həm müdafiə, həm hücum, həm də təlim, idarəetmə baxımından çox vacibdir”.