Kiyev bütün kritik məqamlarda Gürcüstandan aldıqları güclü siyasi, hüquqi və humanitar yardımı yaxşı bilir. Gürcüstanda hakimiyyət dəyişikliyi Ukrayna üçün xüsusi mövzudur və onlar bunu gizlətmirlər. İndi Gürcüstana hansısa yolla AB-yə namizəd statusunun verilməməsinə çalışırlar ki, bu, cəmiyyətdə gərginliyə və yeni dalğaya səbəb olsun.

Axar.az xəbər verir ki, bunu Gürcüstan parlamentinin vitse-spikeri Giya Volski deyib.

“Ukrayna hakimiyyəti respublikanın eks-prezidenti Mixail Saakaşvili ətrafında yaranmış vəziyyətə görə Gürcüstan səfirinin vətənə göndərilməsi ilə bağlı ədalətsiz və əsassız qərar qəbul edib. Ukrayna rəhbərliyi Gürcüstan hakimiyyəti ilə belə davranır, çünki onlar münaqişəyə girməkdən, həmçinin mütəşəkkil şəkildə Kiyevə könüllülər göndərməkdən imtina ediblər”, - o bildirib.