ABŞ Prezidenti Barak Obama Missuri ştatında fövqəladə vəziyyət elan edilməsi barədə qərar verib.

Axar.az xəbər verir ki, Ağ Evin yaydığı məlumatda prezidentin təbii fəlakətin nəticələrinin aradan qaldırılması üçün ştata əlavə federal yardım göstərilməsi barədə sərəncam verdiyi bildirilir.

Məlumatda qeyd olunur ki, dekabrın 22-dən başlayaraq bu günədək davam edən fırtına, güclü külək və daşqınlar səbəbindən ştatda fövqəladə şərait yaranıb.

Ölkənin qərbində baş verən daşqınlarda azı 31 nəfərin öldüyü qeyd olunub.