Ukraynanın Ali Antikorrupsiya Məhkəməsi “Batkivşina” partiyasının lideri Yuliya Timoşenkonun əmlakının bir hissəsinin üzərinə həbs qoyulması barədə qərar qəbul edib.

Axar.az APA-ya istinadən xəbər verir ki, bu barədə “Suspilne” məlumat yayıb.

Məlumata görə, Ali Rada çərçivəsində rüşvət almaqda şübhəli bilinən siyasətçi ilə bağlı iş üzrə məhkəmə Yuliya Timoşenkonun həyat yoldaşı Aleksandr Timoşenkoya məxsus əmlaka da, eləcə də axtarışlar zamanı götürülən pul və digər əşyalara həbs qoyub.

Timoşenkonun vəkili bildirib ki, müdafiə tərəfi məhkəmənin qərarı ilə razı deyil və onu apellyasiya qaydasında şikayət edəcək.