Fransa Hərbi Hava Qüvvələrinə məxsus döyüş təyyarələri İraqın Mosul şəhərində İŞİD terrorçularına qarşı əməliyyat keçirib.

Axar.az xəbər verir ki, bu barədə BFM TV telekanalında canlı yayıma qatılan Fransanın Müdafiə naziri Jan-İv Le Drian məlumat verib.

Nazirin sözlərinə görə, son 3 gün ərzində İŞİD-ə qarşı 7 əməliyyat keçirilib. Son hücumda isə İŞİD-in təbliğat məqsədi ilə istifadə etdiyi teleqovşaq məhv edilib.

Təşkilatın İraqda xeyli zəiflədiyini deyən Le Drian terrorla mübarizə səylərinin artırılması üçün Parisdə toplantı keçiriləcəyini açıqlayıb.

Eyni zamanda nazir Suriya böhranına toxunaraq ölkəsinin keçid prosesi ilə bağlı mövqeyini dəyişmədiyini deyib.