Çin Xarici İşlər Nazirliyi Pekinin İŞİD-ə qarşı savaşa qoşulacağı ilə bağlı məsələni şərh etmək istəməyib.

Axar.az xəbər verir ki, bu barədə informasiyanı "Vaşinqton Tayms" qəzeti yayıb. Qəzetin müxbirinin Çin XİN-nin rəsmi nümayəndəsi Xun Leyə verdiyi suala məmur "Mənim bu haqqında informasiyam yoxdur" deməklə kifayətlənib:

"Biz hesab edirik ki, BMT gərək beynəlxalq terrorizmlə mübarizədə aparıcı rol oynasın. Hərbi əməliyyatlar Təhlükəsizlik Şurasının və BMT nizamnaməsinin tələblərinə cavab verməlidir".

Qeyd edək ki, bundan öncə "Vaşinqton Tayms" qəzeti Çinin Suriyada İŞİD-ə qarşı müharibəyə qoşulacağı ilə bağlı informasiya yayıb. Qəzet Çinin Suriyada Rusiyanın tərəfində vuruşacağını bildirib.