Ukrayna-Çin nəqliyyat dəhlizinin açılması möhtəşəm hadisədir.

Axar.az xəbər verir ki, bunu jurnalistlərə açıqlamasında Odessa qubernatoru Mixail Saakaşvili söyləyib. Onun sözlərinə görə, bu dəhliz Rusiya üçün kabus olacaq:

"Mən Gürcüstan prezidenti olanda Gürcüstandan keçəcək Ukrayna-Çin nəqliyyat marşrutunun təşəbbüskarı kimi çıxış etmişdim. Gürcüstanda hər kəs deyirdi ki, bu marşrutun gələcəyi yoxdur. Onlar deyirdilər ki, Avropadan mal axını bundan sonra da Rusiya ərazisindən keçəcək. Bu gün Rusiya üçün əsil kabus başladı".

Qeyd edək ki, Ukrayna-Çin nəqliyyat dəhlizi Çin mallarının Qərbə daşınmasını nəzərdə tutur. Bu proyektə Çin və Ukrayna ilə yanaşı Gürcüstan, Azərbaycan, Qazaxıstan daxildir.