Türkiyə Silahlı Qüvvələri Suriya sərhədindən tank və xüsusi hərbi texnika ilə İŞİD mövqelərinə zərbələr endirib.

Axar.az xəbər verir ki, Suriya ərazisindən Türkiyənin Kilis vilayətinə raket düşməsindən sonra sərhədə xeyli sayda hərbi texnika yeridilib.

Azad Suriya Ordusunun tərkibində olan Sultan Əbdülhəmid Tuqayları, Şam Cəbhəsi və Əhrar əş-Şam qruplaşmaları Türkiyənin hərbi dəstəyi ilə Hələb şəhərinin şimalında İŞİD-ə qarşı geniş əməliyyatlara başlayıb.

Bildirilib ki, indiyə kimi 8 qəsəbə İŞİD-dən geri alınıb.

Qeyd edək ki, Türkiyə Suriyanın Azez vilayətindən Cerablusa qədər olan 98 kilometrlik ərazini İŞİD-dən geri almağı və burada təhlükəsiz bölgə yaratmağı planlaşdırır.

Lakin Rusiyanın bölgədə havadan aktiv əməliyyat aparmasından dolayı Türkiyə Silahlı Qüvvələri yalnız sərhəddən İŞİD-i hədəf alır.