ABŞ "Naviqasiya azadlığı" adı altında Cənubi Çin dənizində yerləşən adanın yaxınlığına hərbi gəmi göndərib.

Axar.az xəbər verir ki, bu sözləri ABŞ Müdafiə Nazirliyinin sözçüsü Mark Vriq deyib.

O bildirib ki, "USS Kurtis Vilbur" adlı hərbi gəmi Paracel arxipelaqının Triton adasına 22 kilometrə qədər yaxınlaşıb:

"Çin, Tayvan və Vyetnam hüquqa zidd olaraq digər dövlətlərə məxsus gəmilərin beynəlxalq sulara girişinə icazə vermir. ABŞ hərbi gəmisi bu dövlətlərə xəbərdarlıq etmədən sözügedən əraziyə gedib. Biz "Naviqasiya azadlığı" adı altında oraya gəmi göndərmişik. Sözügedən ölkələrin heç birinin tərəfində deyilik".