Fransa Prezidenti Emmanuel Makron öz təhlükəsizliyindən narahat olmağa başlayıb, bunun nəticəsində o, təhlükəsizliyini gücləndirməyə, eləcə də iddia edilən Rusiya təhlükəsi ilə mübarizə tədbirləri görməyə başlayıb.

Axar.az xəbər verir ki, bu barədə “Marianne” jurnalı mənbələrə istinadən məlumat yayıb.

Jurnalist Rusiya Federasiyasının “hücum” təşkil etmək qərarı ilə bağlı fevralın sonunda Makronun dediyi ifadəyə istinad edərək, Fransa liderinin həqiqətən də Moskvanın hücum etmək niyyətində olduğunu düşünüb-görmədiyi ilə maraqlanıb.

Buna cavab olaraq Fransa kəşfiyyatının adı açıqlanmayan nümayəndəsi Rusiyanı nəzərdə tutaraq bildirib ki, dövlət təhdidi artıb.

Makronun təhlükəsizlik komandasından adı açıqlanmayan mənbə isə bildirib ki, 2023-cü ilin yayından etibarən prezidentin yanında “bir neçə böyük oğlan” var.