Ötən gün Türkiyənin İstanbul şəhərinin Bayrampaşa səmtində silahlı hücum həyata keçirən 2 qadın terrorçunun yeni görüntüləri yayılıb.

Axar.az xəbər verir ki, Bayrampaşa polisinin yaydığı yeni videoda 2 qadın terrorçunun polis bölməsinə bomba atdığı və silahla atəş açdıqları görünür.

Qeyd edək ki, ötən gün polis məntəqəsinə hücum edən iki qadın terrorçu məhv edilmişdi. Bu hücumdan əvvəl isə İstanbulda güclü partlayış baş vermişdi: iki terrorçunun Bayrampaşadakı bölmələrdən birinin girişinə bir neçə qumbara atması böyük partlayışa səbəb olmuşdu. Axşam saatlarında isə polis avtomobilinə silahlı hücum edilmişdi.