Rusiya xarici işlər naziri Sergey Lavrov və tacikistanlı həmkarı Siracəddin Muhriddin arasında telefon danışığı baş tutub.

Axar.az xəbər verir ki, bu barədə Rusiya XİN-in məlumatında deyilir.

Söhbət zamanı Lavrov “Krokus Siti Holl”da baş vermiş terakt fonunda Rusiyaya gələn əcnəbilərin yoxlanılmasına aydınlıq gətirərək bildirib ki, bu, müvəqqəti xarakter daşıyır və konkret olaraq hər hansı millətə və dini qrupa qarşı deyil.

Tərəflər həmçinin Rusiya Federasiyası ilə Tacikistan arasında ikitərəfli qarşılıqlı fəaliyyət məsələləri ətrafında fikir mübadiləsi aparıblar.

Qeyd edək ki, martda “Krokus Siti Holl”da baş vermiş teraktın tacik əsilli şəxslər tərəfindən törədildiyi bəlli olandan sonra Rusiyada taciklərə qarşı ciddi yoxlamaq başlayıb. Həmçinin Tacikistandan Rusiyaya gələnlər günlərlə Moskva aeroportlarında saxlanılır.