Rusiya Liberal Demokrat Partiyası ölkənin Ukraynadakı səfirliyinin müdafiəsi üçün buraya bir bölük xüsusi təyinatlı göndərilməsini tələb edib.

Axar.az xəbər verir ki, bu barədə informasiyanı partiyanın mətbuat xidməti yayıb. Partiya həmçinin Rusiya səfirinin geri çağırılmasını da istəyib:

"Rusiyanın Ukraynadakı səfirliyinin fəaliyyətinin normal aparılması mümkün olmadığına görə bir qrup diplomatın geri çağırılmasını və bu binanın qorunması üçün Kiyevə bir bölük xüsusi təyinatlı göndərilməsini istəyirik. Belə olmasa, səfirlik normal fəaliyyətini davam etdirə bilməyəcək. Diplomatların qorunması üçün sərt addımlar atılmalıdır".

Qeyd edək ki, dünən naməlum şəxslər Rusiyanın Ukraynadakı səfirliyinə hücum edib. Nəticədə səfirliyin avtomobillərinə ciddi ziyan dəyib. Bundan bir neçə saat sonra isə ruslar Moskvadakı Ukrayna səfirliyini yumurta atəşinə tutublar.