Türkiyənin Baş naziri Əhməd Davudoğlu ilə Almaniya kansleri Angela Merkel arasında telefon danışığı baş tutub.

Axar.az xəbər verir ki, telefon danışığında tərəflər martın 18-də Brüssledə keçiriləcək zirvə görüşünü müzakirə edib.

Xanım Merkelin istəyi ilə baş tutan danışıqda Türkiyə vətəndaşlarının AB ölkələrinə vizasız gediş-gəlişi, miqrant böhranı və başqa məsələlər müzakirə olunub.

Xatırladaq ki, martın 7-də keçirilən zirvədə Türkiyə tərəfi əlavə şərtlər irəli sürdüyündən görüşlərin növbəti raundu martın 18-ə təyin olunub.