2024.07.05. 23:21

İranda prezident seçkilərinin ikinci turunda seçki məntəqələrinin bağlanmasına iki saat qalmış (saat 22:00-a olan məlumat) seçici fəallığı 40%-i ötüb.

Axar.az xəbər verir ki, bu barədə İranın Seçki Qərargahının nümayəndəsi Möhsün İslami məlumat verib.

O, bildirib ki, ikinci turda yaxşı seçici fəallığı bizim birinci turdakı səviyyəni aşmağımıza səbəb oldu.

***

Möhsün İslami seçici fəallığı yüksəldiyini, seçkidə 30 milyon seçicinin - 49%-ə yaxın - iştirak etdiyini bildirib.

Qeyd edək ki, İranda 61 milyon 452 mindən çox seçici var. Seçki prosesində 60 minə yaxın seçki məntəqəsi fəaliyyət göstərib.

Birinci turda seçici fəallığı 40 faiz olmuşdu. Belə ki, 61 milyon seçicidən 24,5 milyonu səsvermədə iştirak etmişdi.